Do kadam main aur chal loon,
Aage ik thahraao hai.
Jee chuka hoon main bahut,
Ab akhiri padaao hai.
Dekhta hoon main kabhi,
Ateet ke galiyaron se,
Takrake chamak raha bachpan,
Umra ki deevaron se.
Yaad aata hai wo pal,
Jab seekha tha maine chalna,
Bas ek dag aage bharna,
Aur khushi se machal uthna.
Tha umangon se bhara,
Sapnon ke jhoole jhoolta,
Har ghadi jhagad padta,
Aur gusse ko phir bhoolta.
Aaj bhi rukte kadam,
Jahaan nadi ka bahaao hai.
Jee chuka hoon main bahut,
Ab akhiri padaao hai.
Pathshala ke wo din,
Rah nahin pata tha main,
Jab khel-kood ke bin.
Lakshya mere mann me the,
Main josh se bharpoor tha,
Chhoti si safalta se hi,
Abhimaan me main choor tha.
Kuchh palon ne mujhe,
Kashta se rulaaya tha,
Ek jeet ne mujhe,
Phir josh se jagaaya tha.
Jinpe mera prabhaao hai.
Jee chuka hoon main bahut,
Ab akhiri padaao hai.
Ab chala jaata nahin,
Aadesh ab mastishk ka,
Kadmon pe asar dikhlata nahin.
Updesh hi banki hai ab,
Kar to kuchh pata nahin,
Ab chaal hai dheemi padi,
Daud ab pata nahin.
Bolta ab kam hi hoon,
Paripakva banne ke liye,
Sach to bas kuchh aur hai,
Yahaan shabda ka abhaav hai.
Buddhi aur vani me main,
Samanjasya dikhlata nahin,
Jee raha hoon main abhi,
par sans le pata nahin.
Apne se mera duraao hai.
Jee chuka hoon mai bahut,
Ab akhiri Padaao hai.
Do kadam main aur chal loon,
Aage ik thahraao hai.
Jee chuka hoon main bahut,
Ab akhiri padaao hai.
No comments:
Post a Comment